I Piangthar tur a ni
(Johan 3:3)
Krista tana sengkhawm
Khawvel a Christian sakhua zui tu zawng zawngte hian kan tum ber chu vanram kai a ni a, kan taksa boral hnuah kan thlarau chu vanram ah nuam taka ala awm theih nan theih tawp chhuahin kan in zirtir vek mai a ni. Van ram a lut tur chuan a hmasa ber ah chuan Pianthar kan ngai a ni. Van ram kai tur chu kan Bible hman lai ah hian chiang takin a in ziak a, chu chu mi piangthar kan tih te hi an ni. Piangthar lo chu van ram ah luh theih ani dawnlo tih na a nih chu.
Lal Isuan Nikodema hnenah chuan “i piang thar tur a ni” a ti a, Nikodema chuan engtia pianthar tur nge tih a hrethiamlo hle mai a, nu pumchhung a luh leh a pian nawn tur emaw a ti hial a, nimahse la Isua ngei chuan a pianthar dan tur chu a hrilhfiah ta a “Mi tupawh tui ah leh thlarauvah an pian thar loh chuan Pathian ram ah an lut thei lovang” tiin a hrilhfiah sak ta a, chu chu christian in ti, ringtu ten a kan tih hmasak ngei ngei tur chu alo ni ta a ni. Van ram kan luh theih na tur atan a thil pawimawh ber chu. Tunlai ah chuan kan inpianthar tir chawp emaw tih mai tur hian vawi 5 emaw 10 emaw 20 ka piangthar tawh kan ti fo mai. Hei erawh hi chu kan piangthar ni lovin kan thil tihsual kan in hre chhuak a, kan thil tih dik loh leh van ram lut thei turin ka tling tawklo a ni tih kan in hrechhuak a, chu chu piangthar kan ni ah kan in ngai mai thin a pawi hle mai. Piangthar kan nih dawn chuan eng emaw hunlai tak a kan sual zia in hmuh chhuah a kan rilru Pathian lam a pek ve zawk lam ni lovin, kan nun dan, kan thil tih, kan duh zawngte kan thlak danglam tur a ni tih hi i hre reng fo ang u. Kan Bible a Piangthar kan hmuh te hian an sual an sim a, an sual ngaih dam a a awm theih nan Isua hmingin Baptistma (Tui ah) an chang a, chumi hnuah Thlarau thianghlim (Baptisma) an dawng a ni tih kan hmu. Chungte chu a chian leh zual nan tlem han tarlang ila.
Pentecost Ni (Kohhran hmasa ber) = Tirh 2: 1-4
Samari Khua = Tirh 8:17
Paula = Tirh 22: 4-16 & Tirh 13 : 9
Ephesi = Tirh. 19 : 5-6
Lalpa Isua hming a tui baptisma chan leh Thlarau thianghlim Baptisma chan ngei hi Piantharna dik tak a nih avangin nang pawh vawi tam tak ilo piangthar tawh a nih chuan piantharna dik tak ni lovin, in hmuh chhuahna zawk ilo nei tawh tihna a ni a, in hmuh chhuah ringawt hian sual ngaihdam na leh vanram kaina a thlen dawn loh avangin kan sawi tak ang khian nang pawh piangthar dik tak ni turin ka duh che a ni. Sual sim hi a pawimawh em em a, Piantharna hian sual simna a keng tel ngei tur a ni. Lalpa Isua hi engtik ah nge alo kal leh anga, a mi thianghlim te hi engtikah nge a rawn lawrkhawm ang tih a sawi lawk
theih loh avangin, Vanram a kan luh theih nan Pianthar kan mamawh a, alo kal leh hma ngei hian mi tupawh a tih zinga kan tel ve tlat si avangin nang leh kei hi kan pianthar ngei ngei a ngai a ni. I John 2: 3-5 ah chuan “A thupekte pawm silovin Amah ka hria titu chu mi dawthei a ni, thu tak amahah a awm lo” tih ziak a ni a. Isua krista kan hriatna ringawt hian awmzia thui tak a nei lova, amah hria a, a thupek zawm a ngai a ni tih hi hawh u i hre thar in i hre reng ang u. A thupek khirh lo tak mai hi zawm famkim ila ti chuan alo kal leh hunah chhandama kan awm theih nan thih thlengin rinawm takin Lalpa rawng i bawl zel ang u. Piangthar dik tak ni turin leh Isua thu pek zawng zawngte zawm thei ngei turin tan i la sauh sauh ang u.
Lalpan malsawm rawh se.
