Dt. 23.02.2025 (Chawlhni)
Vawiin chawhma inkhawm ban khan Venglai Local, Kolasib Venglai Bial Biak In sak that bultanna atan Lungphum phum a ni.
Biak In sak lungphum phum huntawi hman hi Upa Lalremliana, Building Committee Chairman-in a kaihruaiin Rev. R. Lalnithanga, Bialtu Pastor, Local Chairman ni bawk chuan lungphum hi a phum a ni.
Hunserh kaihruaitu chuan Biak In sak bul tanna tura hun pawimawh tak mai, lungphum phum a ni thei chu lawmawm a tih thu sawiin BIak In sak puitlin a nih theihna tura nasa zawka thawhho a ngai a ni a ti.
Lungphum phumtu hian Sam 127:1, Zakaria 6:12-13 leh Ephesi 2:20-21 a chhiar a. LALPA’N in a sak loh chuan a satute chuan an thawk rim thlawn mai a thin a. LALPA’N khawpui a vawn that loh chuan a vengtu chu a meng thlawn mai a ni tiin, Zakaria ziaka kan hmuh angin LALPA biak in hi sak ngei ngei a ngai a. Isua Krista chu a kila lung pawimawh ber a nih avangin Biak In hi Isua Krista rinchhan leh behchhana sak a ngai a, Lalpa Biak In chu a thianghlim bakah inrem taka chuktuah a ni angin Lalpa Biak In sak puitlin kawngah pawh thianghlim leh inrem taka awm a ngai a ni a ti a. Biak In Thianghlim chu Pathian ropui nan leh a ram zau nan te, Pathian leh a mite inpawlna hmun, Thlarau riltamten chaw an hmuhna hmun leh Thlarau Thianghlim chenna hmun a lo nih nan, Lalpa Isua hmingin LUNGPHUM hi a phum a. Pathian hnena an beiseina zawng zawng nghat chunga hmala tur an nih thute, biakbuk sakna atana an thilpekte malsawm tur leh a satute ngei pawh kaihruai turte, an lungphum lo pawm turtein Pathian a au a ni.
Biak In hlui hi kum 1994(?) vela sak tawh, Kohhran buaina avanga rei tak luah theih loh niin 2015 atanga luahluh leh a ni a. Biak In hlui thiatin a hmun pawh laih a zatve laih tura ruahman a ni a. Design thar hlak nen bul tan tum niin hemi atan hian hun engemaw chen atang tawh khan Project ruahmanin sum pawh lo khawl a ni tawh a ni.
MEDIA CELL : KOLASIB VENGLAI BIAL UPC – 2025
