Vawiin ni 23.02.2024 khan Chaltlang Bialtu Pastor Rev.P.Vanlalfelan Bawngkawn Kohhrante tlawhin mi pahnihin Lal Isua hminga sual ngaihdamna baptisma a chantir a ni.
Rev. P.Vanlalfela chuan Deuteronomy 20:2-4 & 8 te, Isaia 1:3 leh II Timothea 2:1-4 thu te hmangin Kohhran hote fuihna thu a sawi a. Tunlai khawvel chanchin thlir chuan hun tawp a hnaih tawh zia a hriat thu te sawiin, Rawngbawlnaah mi dawihzep leh khawvel thil nen a chawhpawlh lutuk hi Lalpa’n a hmang duh loh thu a sawi a. Thlarau țih nun neia, Lalpa chiah țih turin Kohhran hote a sawm a. Inthawina nun aia thuawih nun chu Lalpa’n a duh zawk thu sawiin khawvela thil reng reng ral lo tur engmah a awmloh thu leh kan thlarau erawh chu kumkhaw daih tur a nih thu a sawi a. Chapona hian Lalpa thlarau ațanga min lak hran thu sawiin Lalpa hre chiang tu te an chapo ngai loh thu tein Kohhran hote thlarau lam chaw tui leh rum țha tak a fah a ni.
Inkhawm banah hian Baptisma rawngbawlna nei nghalin Sual Ngaihdamna Baptisma changte chu Bro. Pianghmingthanga leh Sis. Felina Lalremruati te an ni.
MEDIA CELL
CHALTLANG BIAL
