T. Upa Zion Ramnghahmawia
Asst. Secretary, Hqrs Bial PYD
LEI LEH VANA LALBER LAL ISUA KRISTA PIAN CHAMPHA KAN LO THENG LEH DAWN TA. UNAU ENG TIANGIN NGE HE HUN LO THLENG TUR HI HMAN I TUM VE LE.
Zawlnei Isaia 9:6-ah, “Kan tan naupang a lo piang a, fapa pekin kan awm ta a; rorelna chu a kokiah a chuang ang a, a hmingah chuan, Maka, Remruattua, Pathian chaka, Chatuan Pa, Remna Lal an ti dawn si a. A ram a zau zel ang a,” tih kan hmu a, Zawlnei Isaia hian Lal Isua Krista lo pian tur thu chiang takin a lo sawi lawk a, a lo sawi lawk ang ngei in,( Mathhaia 1:18) ah Lal Isua lo pian thu kan hmu a, chu kan tana nau lo piang chu mi tam takin Pathianin a fapa a rawn tirhah anngai fo thin, Matthaia 1:23-ah “Emmanuela chu, ‘Kan hnenah Pathian a awm’ tihna a ni”. Tiin a in ziak a,
He nau lo piang hi Pathianin a fapa a rawn tirh nilovin, kan Pathian lei leh van siamtu ngei kha min chhandam turin a lo kal a ni zawk tih hi kan hriat thar atan kan tarlang hmasa duh a ni. Chutichuan kan Lal Isua min chhandam tura Ran in tlawm ber mai apian nana rawn thlangtu Lal Isua pianni Christmas hi engtia hman ve nge kan tum le?
Kan tunlai boruak kan thlir chuan Aizawl khawppuiah ngei pawh he hun pui lo thleng turah hian tisa thilah nasa takin inbuatsaihna a kal mup mup a, sum tam tak sengin kawn chei leh thil dangah hlimna tur zawngin thalairualte kan vak suau suau a, thawmhnaw thar nen, ei leh in tuihnai nen keimahni lam hlimna turin kan inbuatsaih a, hengah hian kan Pathian hi a lawm angem aw? ka ti thin.
Chuvang chuan kumin Christmas-ah chuan Lalpa thatna , min enkawlna, min venhimna, Malsawmna a min vurnate ngaihtuah chungin, Lalpa faka chawimawi turin inbuatsaih ila, hla siamtu’n (thinlung a lamah hawn ila, ro thildang a ngailo) a tih ang khan keimahni nun theuhah Lal Isua pianthar tir leh ila, Lalpa tan theih tawp chhuah ila, kumin Christmas na na na chu Lalpa kan fak tam ber kumah hmang turin Headquartes Bial PYD member zawng zawngte Lalpa Isua hmingin ka sawm bawk a che u. Lalpan Malsawm rawh se
