Mihringten he khawvela kan awm chhunga kan duh ber leh um ber chu hlimna leh lawmna a ni ti ila kan sawi sual tam lovang. Eng hna pawh thawk in, eng thil pawh ti ila, kan hausa emaw kan rethei emaw kan duh ber chu hlimna leh lawman a ni.
Mihringte nuna phurna, tha thona min petu chu lawmna hi a ni. Lawm lohna leh lungawilohna kan neih tawh chinah chuan eng tih mah a nuam tawh lova, phunna leh thinrimna kan zawng ruai tawh thin. Lawmna tak tak kan neih erawh chuan engkimah kan phur a, eng thil pawh hmachhawn dawn ila kan inpeih at tawh thin.
Lawmna min petu chu thil tam tak a awm thei ang. Sum leh pai, in leh lo tha a ni emaw kan eizawnna leh zirlaiah kan hlawh tling a, kan lawm viau a ni thei. Amaherawhchu, Pathian a lawmna tak tak nilova khawvel thila lawmna ringawt a nih chuan rei a daih tak tak thin lo a ni.
Kan sawi tak khawvel thil a lawmna min thlentu te khan phurna leh tha thona min pe the meuh mai. Amaherawhchu, Lalpa tello lawm na chu reilo tea lungngaihna min thlentu mai a ni tih i hre thar leh ang u.
