🌏⛪🌏
Headquarters Bial Conference Vawi 58-na chu, Ni 7-9, February chhung khan, Nursery Veng Kohhran Biak Inah, Pathian Thlarau thianghlim awmpuina in hlim leh lawm taka hman zawh a ni ta.
Conference Thupui atan “I pianna ram ah chuan haw leh tawh rawh”(Gen 31:13) tih thu hman a ni a. Thupui hi hlawm hrang hrang a then niin, Rawngbawltu tha tak tak te hnen atangin ngaihthlak thin a ni.
Rawngbawltute leh an Thupuite:
Upa C.Lalnunmawia – ‘Thuawihna ah’
Rev.HL Dawngliana. – ‘Chanchin Tha hrilnaah’
Evan Lalchhuanmawia Sailo – ‘Thuthlungah’
Evan K.Rotluanga – ‘Thianghlimnaah’
Rev.C Lalramthanga – ‘Thlarau thianghlimah’
Rawngbawltute rawngbawlna a ropui in, hun chep taka an inbuatsaihna Lalpan mal a sawm hle a. Conference chhimtu kohhranhoten an hnen atanga Pathian thu tha tak tak kan ngaihthlak te kha atak a nunpui a, hrereng turin kan inbuatsaih dawn nia.
Kan Bial zaipawl te, malzai rawngbawlna nei; Bro Thanchungnunga leh Sis C.Lalhriattluangi te hnen atangin Fakna hla te ngaihthlak thin a ni a. Lalpan an rawngbawlna mal a sawm in, an zarah thlarau lam malsawmna nasa tak kohhranhoten kan dawng a, a lawmawm in a ropui hle.
Kumin chhunga Bial Kohhranpui hmalakna turah, Bial chhung kohhranhoten, Hrui khat vuan a theihtawp a rawngbawl turin inbuatsaih ila. Tirhkohte 2:47 thu, “A chhandam mek apiangte chu Lalpain ni tin an hnenah a teltir zel thin.” tih hrereng a. Nasa zawka Thuthlung kan puan a, thlarau bo tam tak kan zinga an lo tel zel theihna turin i tang sauh sauh vang u
