Evan. B. Lalremruata
President HQRS Bial PYD
He khawvel hi Pathian siam a ni a, a chhunga cheng zawng zawng te pawh a ma siam vek kan ni a, chutih laiin kan hmelma Setana erawh chuan ama ta ni turin nitin, darkar tin in min thlem ve mek bawk a, kan chak lohna lai, kan panna lai tak ah ten ama ta ni turin min thlem thin, nimahsela chu chu kan do hneh a Pathian ta ni tura kan in dinthar zel a hi a pawimawh em em a, “Pathian hnaih rawh u, tichuan a nin a hnaih ang che u” Jakoba 4:7-a kan hmuh ang hian Pathian kan hnaih zel hi kan tih tur mak mawh alo ni.
Sam 73:28 “Kei tan erawh zawng Pathian hnaih hi a tha a ni” tih ziak kan hmu a. Davida Israel Lal ropui leh chak tak mai pawn Pathian hnaih a that thu min hrilh a, keini Lal leh thu neihna engmah pawh nei ve lo hi chuan Pathian hi kan mamawh tak zet in amah hnaih reng hi kan tan a van tha leh zual dawn em.
Lalpa rawngbawl duhlo ram leh hnam chu an la boral dawn si a tih ang khan min siamtu Pathian hnaih duh miahlo, amah pawl duh miahlo leh aman tan a in hmang ngia miahlo chu Lalpa pawh hian a ngiahsak loh hun ala thleng dawn si a, chu hunah chu boralna hun a nih mai dawn avangin, min siam tu Pathian hi hnaih sauh sauh hi kan mamawh tak zet zet a ni.
Kum te lo thar in hun thar ah kan cheng ta a, nikum lam aia kumin ah chuan nsa zawk a Pathian hnaih a, atan a in pek a, hmasawnna thar neih hi a pawimawh hle a ni. Bial Pyd Member zawng zawng te pawn kum liam ta aia Pathian hnaihna kawng a hmasawn na nei theuh turin tan ila thar ang u. Kan rawngbawlna zawn theuh ah hmasawnna neih tum in tan la ila, a bik takin Thlarau lam kawngah hmasawn i tum ang u. Chu chuan mimal nun theuh min siamtha thin a, chu ta tang chuan mahni inchhung khur ah hlima a thlen a, kohhran ah kang kai zel in Bial tana kan rawngbawlna thleng in a tha lam zawngin nghawng a nei thin a ni. A bik takin Pathian rawng kan bawlna zawn teuh vah hian hmasawn kan mamawh em em a, Pathian thu hriatna kawngah te, Kohhran inkhawm ngaih pawimawh kawngah te, tawngtai leh Bible chhiar tam kawng ah te kum kal ta aia hmasawn turin inbuatsaih zel ang u.
Kan dam chhung hun hi a reilo em em a “Kan damchhung kum te chu kum sawm sarih a ni a, chakna a vangin kum sawmriat pawh a ni thei” (Sam 90:10) tih ziak kan hmu a, tuna kan kum zat hi chhut ila kum 70 pawh lo dam thleng dawn pawh ni ila, a chenve chu kan hmang der tawh mai chuvang chuan kan chak lai, vanglai hun reilo te kan neih hi min siamtu Pathian tan kan hman hi tul tak zet zet a ni. “Thenkhat tih dan anga kan inkhawmte bansan lovin, infuih tawn zawk ang u” (Heb 10:25) tih ziak ang hian inkhawm te hi ngai pawimawh a uar sauh sauh turin leh khawvel hun hmawr tawh tak a awm kan ni tih hre reng chung a, kan nun uluk deuh deuh va Pathian fa ni zel turin thalai ten tan ila thar zel ang u.
Lalpan malsawm rawh se
