Vawiin Feb ni 25 thawhlehni chawhma dar 11:00 Am khan UPC-NMD enkawlna hnuaia awm Pentecostal Gateway Higher Secondary School-a High School section-a thawktu Sir. Ngurthanga, Bethlehem veng, Aizawl chu Sorkar dan anga a pension hun a lo thleng tak avangin PGHSS Managing Board in ruahmanna a lo siam tawh angin thlahna hun hman a ni.
Sir. Ngurthanga Pension thlahna inkhawm hi Dist. Committee Room UPC Office Tuikhuahtlangah neiin Rev. K. Lalduhsanga, Supdt. NMD leh PG Managing Board Chairman ni bawk chuan hun a kaihruai a, Sis. Doris Lalrinsangi’n Pathian thu chhiarin tawngtaina a nei a, Rev. C. Lalthantluanga, Secy. NMD chuan Dist in thlahna thilpek Rs. 100000 hlanin thlahna thu a sawi a sawi a, Dist Secy hian Zirtirtu Ngurthanga chu ‘Sulhnu pawr leh hmingchhiatna nei lova, Mipuitling tak tak chherchhuaktu a nihnaah chhuanawm a tih thu a sawi’ bawk,
PG Principal Evan. JH Malsawmdawngliana hnen atangin Zirtirtu Ngura chanchin ngaihnawm tak tak ngaihthlak a ni a, chumi hnuah Sist. Lalrinngheti Higher Zirtirtu chuan mal zaiin fak hla a sa a, PG Managing Board aiawhin Rev. C. Lalmuanpuia, Treas, NMD chuan ngaihhruina thuziak a hlan bakah Managing Board aiawha thu sawiin “Sir Ngura Zirtirtu hna a thawh hun chhung kum 33 zetah chanchin ngaihnawm tak tak a hnutchhiah dan te” sawiin fakawm a tih thu a sawi a. Pension-a thlah Zirtirtu Ngurthanga’n thu sawi bawkin ‘A hun hman mek chu thil lawmawm lam a nih thu te, Mihring nihphungah duhtawk a awm loh zia te, Pathianin hnathawh tura a pek Zirtirna chu rawngbawlnaah ngaia a zawm thu te, hna dang tha zawk awma lang te pawh a hmuh dan te, Kohhran enkawl Zirtirtu hna chu ropui a tih thu te leh, a pension ni a Managing Board ten thlahna hun an siamsak chungchangah te lawmthu a sawi bawk a ni’.
Zirtirtu Ngurthanga Pension thlahna inkhawm hi Rev. Chhiarpuia Dinthar Bialtu Pastor chuan malsawm tawngtainain a thlah a ni.
PenNet NMD
