North Mizoram District PYD Bial fan programme ah hian N.Mizoram District PYD President Rev. B. Vanlalruata’n, Headquarters Bial-te hun hmanpuiin Thusawina hun a hmang a ni.
He programme-ah hian Evan. B. Lalremruata, Bial PYD President chuan Inkhawm kaihruaiin I Timothea 4:6 thu a chhiar a, Khawvel chhe tawh takah Pathian ngaihsak mi kan la awm hi a lawm thu a sawi a. Tanhla atan “Hetah hian nunna tui a luang” tih chu hlim takin Pathian Thlarau chenchilhna hnuaiah an sa a an hlim hle a ni.
Bial PYD Secretary Bro. T. Lalzekima hnen atangin puantur tul hrang hrangte leh Bial chhung Local hrang hrang hruaitute, Bial Committee peng hrang hrang hruaitute leh Members te Introduction a pe a. Bro. Johan L Chhangte, Sis. Lalthansangi, Sisi Lalneihpuii te hnen atangin Pathian fakna hla mawi tak tak te ngaihthlak a ni bawk.
Hunpui changtu Rev. B. Vanlaruata, N. Mizoram District PYD President hnen atangin Pathian thuchah ropui tak ngaihthlak a ni a, Hqrs Bial PYD te nen hun an lo hman tawhna te report tawi a sawi a, a tawiawmtute Sis Lalthansangi, Sis Lalneihpuii, Evan Ramdingliana, Evan Lalrinkima Varte, Bro Daniel Lalmuankima, Bro Lalrawngbawla, Bro. Lalparliana te chungah lawmthu a sawi bawk a ni.
Banna hla atan “Aw hmangaihna khawvel entu” tih chu hlim takin an sa a, Pathian thlarau thianghlimin a awmpui a, Thlaraulam hla nen hlim takin an sa a, Rev. B. Vanlalruata’n Malsawm tawngtainain Inkhawm a tin a ni.
Inkhawm ban hian inkhawm zawng zawngten thlalak ho na an nei a, tin, thingpui leh a hmeh tui tak an eiin bawk a ni.
