Bro Lalthanpuia
Secy. Khatla South PYD
Johana 20:22 “Tin, chung thu chu a sawi zawhin an chungah a thaw a, an hnenah “Thlarau Thianghlim nei rawh u; tu sual pawh in ngaihdam apiang ngaihdam a ni ang;”
A hmasa in Lalpa Isua hmingin Kohhranhote chibai vek ule.
Tun ṭum chu Kohhranten kan mamawh leh kan neih ngei ngei ngai, mahse kan hmuh dante kan ngaihdante a in an loh fo na Thlarau thianghlim chungchang hi in ngaihtuah ho teh ang u. Thlarau thianghlim chungchang hi kan ngaithla fo tawh a, chutih rual chuan kan ngaihdan hi a thuhmun lo fo ṭhin niin alang . Tun ṭumah pawh hian chhiartute kan ngaihdan a ni vek lo maithei a. Mahse, ka hmuhdan kan sawi dawn a ni.
(Johana 3:34) kan en chuan Thlarau chu teh khera pek anih loh thu kan hmu a, chuvang chuan kan thlarau dawn dan chen chu a in ang vek dawn lo a ni. Mahse Pathian thua kan hmuh angin, Lalpa Pakhat, Rinna hmunkhat, Baptisma hmunkhat kan tih ang hian, Pathian pakhat kan nei ang bawk in, Thlarau pawh Pakhat a ni a. Ringtuten kan thlarau dawn chu Pathian hnen aṭangin Thlarau pakhat ṭheuh kan dawng a, chuvang chuan kan thlarau dawn chu a in ang vek tih hi kan hriat a ngai a. Kan inpekna a zirin keimahniah a thawhdan a in anglo mai a ni.
Kan thlarau dawn te a in anglo anga sawi a lo awm anih pawn kan Thlarau thianghlim dawn chu Pathian pakhat, ani hnen aṭanga kan dawn vek a ni. (I Korinth 12:4. Tin, thilpek hrang hrang a awm a, Thlarau erawh chu hmunkhat a ni.) Pathian thua kan hmuh ang hian Pathian hnen aṭanga thilpek a awma Thlarau kan dawn pawh Pathian Pakhat hnen aṭanga kan dawn Thlarau hmunkhat vek kan dawng tih hi kan hriat reng a pawimawh hle. Thlarau nazawng kan dawng anih loh chuan, Mahse hei hi kan hriat reng a ngai a ni. Pathian pakhat hnena kan thlarau dawn chu in ang vek a, a hnathawh theih dante a ropuina pawh a in ang vek a. Mahse Pathian hian a thlarau min pek tawh hnu hian Thlarauva min nawr kal reng hi a tum a ni lova.
Pathian thu kan en chuan, (Matthaia 12:37 I thu chuan thiam a chantir ang chia, i thu vek chuan thiam loh a chantir bawk dawn che asin,” a ti a.) a tih ang hian, Pathian chuan kan duhthlanna hi a dah lal hle tih hi kan hriat angai a ni. Keimahniah Thlarau thianghlim awm reng mahse keimahni duhthlanna chhia leh ṭha hriatna thiang tak hmanga a rawng kan bawl angai a. Kan inpekna athuk dan azirin Thlarau chuan keimahniah hna a thawk nasa in athawk tlem mai tih hi kan hriat a ṭul a ni.
Pathian rawng kan bawlnaah hian Pathianin duhthlanna zau tak min pe a, Thlarau thilpek mihringin kan chakna leh kan theihna hmanga kan neih theih loh a awm a. Chungte erawh kan sawi vek chuan a sei lutuk ang e, mahse kan hriat atana ṭha ka tih chu. Pathian faka lam, kut ben, khuang vuak leh adang dangte hi Thlarau thilpek emaw kan ti ṭhin a, hei hi Thlarau thilpek nilovin Thlarau kan dawn tawh hnuah leh dawn hma pawha kan duhthlanna Pathianin min pek hmanga Pathian kan fakna tur leh kan chawimawina tur a ni. Ringtu kan nih tawh hnua ringtute awm dan tur leh Pathian rawng kan bawl dan tur a ni. Thlarau thil pek leh talent ni awm ang takin alang ṭhin a. Mahse Thlarau thianghlim la dawng miahlo pawh amah duhthu a chhia leh ṭha hriatna hmangin Pathian faka lamna aṭanga Thlarau thianghlim dawng ta te an awm ṭhin.
Mahni awm hmun ngai renga awm aiin, Mahni theih ang tawk tawka Pathian tana inpeka theihtawp chhhuahte aṭanga Thlarau thianghlim dawng an tam zawk a, hei hian lam te, kutben te, leh adang dang rawngbawlnate hi Thlarau thilpek leh talent anih loh zia a tichiang niin a hriat a, kan inpekna a nasat a, theihtawp kan chhuahna aṭang a thlarau thianghlim hi dawng kan ni fo ṭhin a ni. Thlarau thianghlim dawng lo pawh hian thui tak a kal theih a ni tih hi kan hriat reng a pawimawh bawk. Miin thlarau thianghlim dawng kherlo pawhin a inkhawm thei a, a hnatlang thei a, Pathian fakin a zaiin alam thei a, heta ṭang hian thlarau thilpek leh talent anih kher loh zia ati chiang awm e.
Awle, sawitur a tam khawp mai kan sawi vek seng rih lovang. Duhtawk ta mai ila a tawp berah chuan, (II Korinth 13:5 ) Rinnaah chuan in awm emaw, nangmahni ngei inchhin ṭhin ula; nangmahni ngei in fiah ṭhin rawh u. a tih ang hian Kohhrante tun kan dinhmun ṭheuhah keimahni ṭheuh inenfiah ṭhin ila, tun kan dinhmunah hian Pathian a lungawi ang ngem tih mahni ṭheuh i in zawt ṭhin ang u.
Lalpan malsawm rawh se
